नारायणमान राष्ट्रपति मजुइगु

येँ (नेपालभाषाा टाइम्स)- वंगु वालय् थःगु हे छेँय् राष्ट्रपति विद्यादेवी भण्डारीयात लसकुस यानादीम्ह नेमकिपाया अध्यक्ष नारायणमान बिजुक्छें थः राष्ट्रपति मजुइगु खँ धयादीगु दु । राष्ट्रपति भण्डारी आकाझाकां वय्कःया छेँय् वनेवं अध्यक्ष बिजुक्छेयात राष्ट्रपति जुइत प्रस्तावित यानादीगु खः लाकि धइगु चर्चा जूगु खः । तर अध्यक्ष बिजुक्छें थःलिसे अज्याःगु छुं खँ मजूगु व थःत राष्ट्रपतिया लागिं प्रस्तावित हे याःसां नं थःपिं राष्ट्रपति जू मवनेगु खँ कनादीगु दु

। थःपिंलिसे सतीगु छगू युट्यूब च्यानलयात अन्तर्वार्ता बिसें अध्यक्ष नारायणमान बिजुक्छें थ्व खँ धयादीगु खः । वर्तमान सरकार पूँजीवादी सरकार जूगु कारणं थ्वहे सरकारं दयेकीगु राष्ट्रपति पदय् थःपिं वने मजिउ धकाः नं स्पष्ट यानादिल । लिसें वय्कलं नेपाली कांग्रेसं वर्तमान सरकारयात विश्वासया मत बिउगु कारणं आः संसदय् थःपिं हे प्रमुख प्रतिपक्षी खः धकाः नं दावी यानादिल ।