लाथेपाथे च्वइपिंत विज्ञापन बन्द

येँ – लाथेपाथे व कपोलकल्पित समाचार च्वइपिं सञ्चार माध्यमतय्त आः वाणिज्य बैंकतय्सं विज्ञापन मबीगु जूगु दु। लिपांगु इलय् प्रशारणय् वयाच्वंगु न्हून्हूगु अनलाइन सञ्चार माध्यमतय्सं चायेक चायेकं हे बैंकतय्गु बारे लाथेपाथे समाचार च्वयाः लिपा विज्ञापनया निंतिं बार्गेनिब याः वइगु जुयाच्वंगु दुसा अज्याःपिनि ल्याः अप्वया वंगु धासें अज्याःगु सञ्चार माध्यमतय्त आः  विज्ञापन मबीत बैंकत छप्पँ जूगु खः ।

वाणिज्य बैंकतय् प्रमुख कार्यकारी अधिकृततय्गु मंकाः संस्था बैंकर्स एशोसिएसन नेपालं आधिकारिक रुपय् थ्व निर्णय याःगु खः । बुधवाः च्वंगु एशोसिएसनया बैठकं अज्याःगु निर्णय याःगु खँ अध्यक्ष ज्ञानेन्द्र ढुंगाना कनादीगु दु । थ्व विषयय् माल धाःसा एशोसियसनं प्रेस काउन्सिल नेपाललिसे नं माः कथंया समन्वय यायेगु खँ धाःगु दु।

अध्यक्ष ढुंगानां खःगु व तथ्य समाचारय् थःपिनिगु आपत्ति मदु धासें मिडियां लाथेपाखे च्वयाः विज्ञापनया निंतिं बार्गेनिब याःगुलिं अज्याःगु ज्या दिकेत थःपिंसं विज्ञापन मबीगु निर्णय यानागु खँ कनादिल ।

सम्बन्धित बुखँ

LEAVE YOUR COMMENTS