बंगलादेशय् मलः जूवयाः लँस्वःवनाच्वपिं १७ म्ह सित

एजेन्सी- बंगलादेशय् मलः जुयाः १७ म्ह मनू सीगु दु । घटनाय् लानाः ब्याहा यायेत वंम्ह मिजंनापं मेपिं १४ म्ह घाःपाः जूगु दु । स्थानीय अधिकारी शकिब अल राबीं बिउगु जानकारीकथं बंगलादेशया शिवगन्जय् च्वंगु पद्मा खुसिइ डुंगाय् च्वनाः भमचा कायेत वनाच्वंपि मनूत तसकं वा वयेवं डुंगां कुहां वयाः खुसिया सिथय् च्वंगु टिनयागु टहराय् च्वनेत वंगु खः । उगु हे इलय् मलः जूवःगु खः ।

बंगलादेशं सन् २०१६य् मलःयात प्राकृतिक प्रकोप घोषणा याःगु खः । उगु दँय् बंगलादेशय् मलः जुनाः निसःम्ह मनू सीगु खःसा छन्हुं हे ८२ म्ह मनू सीगु खः । मौसमविद्तय्सं धाःकथं बंगलदेशया उत्तर व पश्चिमोत्तर क्षेत्रय् यक्व हे मलः जू वः ।

वनविनाश अप्वः जूगुलिं थथे मलः जूवइगु नं अप्वयावःगु विज्ञतय् धापु दु । । ततःमागु सिमां मलः जूवइबलय् पनेगु ज्या याइगु खः, तर वनविनाशं यानाः मलः तप्यंक हे बँय् जूवइगु जुयाच्वंगु दु ।