राजदूतपाखें परिषद्या छेँ निरीक्षण

येँ (नेपालभाषा टाइम्स)- नेपाःया लागि भारतया राजदुत नवीन श्रीवास्तव भारतीय ग्वाहा–लिं दयेकाच्वंगु नेपालभाषा परिषदया छेँ निरीक्षण यानादिल । उगु इलय् राजदुत श्रीवास्तवं परिषद्या निर्माणाधीन छेँया सिधःगु ग्राउण्ड फ्लोर अवलोकन यानादिलसा वय्कःयात इन्टाकया प्रतिनिधिपिं पारोमिता डे सरकार व मयजु अनिता ताम्राकारं विस्तृत जानकारी बियादीगु खः । उगु इलय् परिषद्या साहित्यिक ज्याखँ बारे छ्याञ्जे पुष्परत्न तुलाधरं कनादीगु खः ।

नेपालभाषा परिषदया छेँ २०७२ या तःभुखाचं क्षति जूगु खःसा भारत सरकार, नेपाल सरकारया पुनर्निर्माण प्राधिकरण व पुरातत्व विभाग जानाः न्हूकथं दयेकाच्वंगु खः । थन झी कवि चित्तधर हृदयया व्यवस्थित संग्रहालय नं दइ ।