सुकुम्बासी चीकेत ऐक्यवद्धता प्रदर्शन

येँ (नेपालभाषा टाइम्स)÷ येँया थीथी थासय् खुल्ला थाय् कब्जा यानाः च्वनाच्वंपिं सुकुम्बासीतय्सं थःपिंत थना छ्वये दइ मखु धकाः प्रदर्शन याःगुयां कन्हय् कुन्हु हे नक्कली सुुकुम्बासीतय्त चीके छ्वये माल धासें येँय् प्रदर्शन जूगु दु । ‘उपत्यकावासी व्यव स्थापन तथा सहयोग संघर्षसमिति’ नांगु संस्थां म्हिगः येँ महानगरपालिकाया ज्याकू पिने प्रदर्शन यासें सही सुकुम्बासीया व्यवस्थायात यानाः नक्कली सुकुम्बासीयात चीकेगु महानगरपालिकाया ज्यायात ऐक्य वद्धता क्यंगु खः ।

येँ महानगरपालिकां थापा–थलीइ सुकुम्बासी चीकेगु कुतः यायेतं सुकुम्बासीतय्सं विरोध याःगु खःसा थीथी पार्टीतय्सं नं उमित समर्थन यानाहःगु खः । म्हिगः प्रदर्शन याःगु संघर्ष समितिं सुकुम्बासीयात राजनीति संरक्षण बी दइ मखु धकाः नं ब्यानर प्रदर्शन याःगु खः ।

सम्बन्धित बुखँ

LEAVE YOUR COMMENTS