जोमसोम वंगु विमान सम्पर्कविहीन, पाइलटया मोबाइलय् घन्टी वनाच्वंगु दु

येँ – पोखरां जोमसोमया निंतिं ब्वयावंगु तारा एयरया छगः विमान तंगु दु । ट्विनअटर नाइनएनएइटी विमान थौं सुथय् १०ः०७ बजे लिपा सम्पर्कविहीन जूगु खः ।

पोखरा विमानस्थलं जोमसोमया निंतिं ९ः५५ बजे ब्वयावंगु उगु विमानय् चालकदल स्वम्ह व १९ म्ह यात्रु दुगु खँ धाःगु दु । विमान सम्पर्कविहीन जूसां पाइलटया मोबाइलय् घन्टी वनाच्वंगु खँ धाःगु दु । विमान वरिष्ठ पाइलट प्रभाकर घिमिरें चले याना वंगु खः ।

पाइलट घिमिरेया मोबाइलय् घन्टी वनाच्वंगुलिं मोबाइल ट्य्राक यानाः मालेगु ज्या जुयाच्वंगु खँ पोखरा नागरिक उड्डयन कार्यालयं धाःगु दु । तर मौसम खराब जूगुलिं विमान मालेगु ज्या प्रभावित जुयाच्वंगु दु ।

नेपाल टेलिकमया मोबाइल ट्य्राक याःबलय् टिटि लेकपाखे खनेदुगुलिं अन हे केन्द्रीत यानाः मालेज्या जुयाच्वंगु दु । विमान मालेगु निंतिं फिसटेल एअर हेलिकप्टर छ्वःगु खःसां मौसम खराब जूगुलिं लिहां वयेमाःगु नागरिक उड्डयन प्राधिकरणं धाःगु दु । नेपाली सेनाया हेलिकप्टर छ्वयेगु तयारी जुयाच्वंसां मौसामया कारणं ब्वयेमफयाच्वंगु खँ धाःगु दु । हेलिकप्टर ब्वयेकेत थाकुयाच्वंगुलिं न्यासि वनाः मालेगु निंतिं सेना व प्रहरीया टोली उखे वनेधुंकूगु दु ।

विमानय् प्यम्ह भारतीय व निम्ह मेगु देय्या यात्रु लिसें झिंस्वम्ह नेपाली यात्रुत दुगु खँ धाःगु दु ।

सम्बन्धित बुखँ

LEAVE YOUR COMMENTS