होस्टाइल विरुद्ध येँय् प्रदर्शन

येँ (नेपालभाषा टाइम्स)- अभिनेता पल शाह लिसे स्वानाच्वंगु जबर्जस्ती करणी मुद्दाय् पीडित मिसा मचां नवलपुर जिल्ला अदालतय् नं बयान हिउगु दु । मिसा मचां तनहुँ जिल्ला अदालतय् थें थःत जबर्जस्ती करणी याःगु मखु धासें पल शाह निर्दोष जूगु बकपत्र याःगु खः ।

सरकारी वकिलतय्सं पीडित मिसा मचायात थीथी नीगू न्ह्यसः न्यंगु खःसा फुक्क लिसलय् वं कलाकार शाह निर्दोष जूगु व शाहं थःत छुं नं मयाः धकाः हे बयान बिउगु खः । थम्हं आवेशय् वयाः प्रहरीइ बलात्कार जूगु धकाः बयान बियागु खँ नं मिसा मचां धाःगु दु ।

थ्वहे झ्वलय् बलात्कारया मुद्दाय् पीडितयात होस्टाइल दयेकेगु ज्या जूगु धासें येँया फिब्व ख्यलय् म्हिगः प्रदर्शन जूगु दु । प्रतिरोध जनाधिकार आन्दोलनं याःगु उगु प्रदर्शनय् बलात्कार थेंज्याःगु जघन्य अपराधया मुद्दाय् पीडितयात होस्टाइल दयेकेगु ज्या याःगु व अदालतं तकं अःखतं पीडितयात हे कैद सजाय बीगु ज्या यानाच्वंगु धासें विरोध याःगु खः ।

प्रदर्शनय् ‘थ्व व्यवस्था मिसा– पिनिगु निति जेल खः, पितृसत्ता वांछ्वये नु, थौं हे सः थ्वयेके नु, अदालती पितृसत्ता मुर्दावाद आदि नारा थ्वयेकूगु खः ।

सम्बन्धित बुखँ

LEAVE YOUR COMMENTS