मन्त्री तामांगं राजीनामा बिल

ये- कानुन मन्त्री शेरबहादुर तामांगं राजीनामा बिउगु दु । थाैं नकतिनि मन्त्रत्रालयय् पत्रकार सम्मेलन याना राजीनामा घाेषणा यानादीगु खः । थः कलाः लिसें पत्रकार सम्मेलनय् वःम्ह मन्त्री तामांगं नैतिकताया अाधारय् राजीनामा बियागु खँ धयादीगु खः ।

मन्त्री तामांगं छु न्हि न्ह्यव बिदेशय् डाक्टर ब्वंवंपिं मिस्तय्सं याैन मिया सर्टिफिकेट काइगु खँ धयादीगु खः । डा गाेविन्द केसीया सत्याग्रहया विराेध यासें सरकारया बचाउ यायेगु झ्वलय् तामांगं धाःगु खँया व्यापक अालाेचना जूगु खः ।

थाैं सुथय् प्रधानमन्त्री पाखें राजीनामाया निर्देशन वःगुलि मन्त्रीं राजिनामा बिउगु खँ धाःगु दु ।