द्यःपिनिगु कला ब्वज्या

येँ(नेपालभाषा टाइम्स)÷ नेपाल आर्ट काउन्सिल बबरमहलय् वंगु आइतवाःनिसें ‘नेपालका देवीदेवताहरू’ नांया कला ब्वज्या जूगु दु । नेपाल हस्तकला महासंघ व काउन्सिलया मंकाः ग्वसालय् उगु कला ब्वज्या जूगु खः ।

ब्वज्याया उलेज्या यासें नेपाःया निंतिं भारतीय राजदूत नविन श्रीवास्तवं नेपाः कला क्षेत्रय् तःमि जूगु खँ न्ह्यथनादिसें थुकिया संरक्षण यायेमाःगु खँय् बः बियादिल ।
येँ महानरपालिकाया उपप्रमुख सुनिता डंगोलं स्वनिगःयात कलाया हवया रुपय् विकास यायेगु योजना दयेकागु जानकारी बियादिसें नेपाःया कला ख्यःया विकासया निंतिं येँ महानगरपालिकां नेपाल कला परिषद्लिसे जानाः ज्या नं न्ह्याकेधुंगु खँ कनादिल ।

परिषद्या अध्यक्ष सागर शम्शेर जबरां नेपाःया बौद्ध व हिन्दू धर्मया बारे विश्वायात जानकारी बीगु ब्वज्याया मुख्य उद्देश्य जूगु जानकारी बियादिल । वइगु मंसिर २५ गतेतक न्ह्याइगु ब्वज्याय् १६० म्ह कलाकारं दयेकूगु थीथी कलाकृतित तयातःगु दु । ब्वज्याय् १५० गू नेपाःया देवीदेवताया मूर्ति, कला व चित्रकला अवलोकन याये फइ

नेपालभाषा टाइम्स

च्वमिया मेमेगु

• भाषासेवी विष्णु चित्रकार मंत, कन्हय् जगतसुन्दर ब्वनेकुथिइ अन्तिम श्रद्धाञ्जलीया निंतिं तइगु
• कुमारी छेँया त्वरं पुनर्स्थापना (भिडियाे रिपाेर्ट)
• बोस्टनय् सक्वया सम्पदाया चित्रकला ब्वज्या
• एनपीपीएया नायः पदय् शान्ति श्रेष्ठ
• समाजसेवी दिलबहादुर मानन्धर मंत