सतक विस्तार विरुद्ध अनसनय् हस्तक्षेप

थिमि – थिमिइ जूगु सतक विस्तार विरुद्ध स्थानीय जनतां सुरु याःगु अनसन ज्याझ्वलय् प्रहरीं हस्तक्षेप याःगु दु । थनया पेप्सी–कोलां च्वय्या लागांनिसें साँगा तकया सतक तब्या यायेगु लागिं धासें म्हीग अन डोजर चले यायेवं स्थानीय मनू–तय्सं अनसन सुरु याःगु खः ।

मध्यपुर थिमि नगरपालिका ज्याकू न्ह्यःने म्हीग बहनी अनसन सुरु याःगु खःसा म्हिगः न्हिनय् अन प्रहरीं हस्तक्षेप यानाः अनसनकारीतय्त अनं चीका छ्वःगु खः । अथे खःसां म्हिगः हे थिमि नपाया मेयर मदनसुन्दर श्रेष्ठ व अनसनकारी जनताया दथुइ वार्ता जुयाः डोजर चले याकेगु ज्या धाःसा बन्द याःगु दु ।

लिसें मेयर श्रेष्ठलिसे जूगु वार्ता सफल जुयाः आः तत्काल अन सतक विस्तारया छुं नं ज्या मन्ह्याकेगु सहमति जूगु खँ नं धाःगु दु । पेप्सीकोलांनिसें याइगु थ्व सतक विस्तार साँगा तक थ्यंकीगु खँ धाःगु दु । साँगा चीनं वइगु रेल मार्गय् लाःगु थाय् खः ।