७ लाखं स्वनिगः त्वःतीगु

येँ (नेपालभाषा टाइम्स)÷ वइगु मंसिर ४ गते जुइगु निर्वाचनया नितिं ७ लाख स्वयां अप्वः मतदाता स्वनिगः त्वःताः पिहां वनीगु अनुमान याःगु दु । निर्वाचनय् मत तयेत थीथी जिल्ला व क्षेत्रपाखें स्वनिगलय् वयाच्वंपिं मतदाता थःथःगु मतदान क्षेत्रय् लिहां वनेत्यंगु खः ।

यातायात व्यवसायी राष्ट्रिय महासंघया कथं शुक्रवाः तक खुगू लाख यात्रुं स्वनिगः त्वःतेधुंकूगु दु । मोहनि स्वन्ति क्वचायेवं निर्वाचनया चहल पहल शुरु जूसां नं कार्तिक २५ गतेनिसें मतदातां स्वनिगः त्वःतेगु शुरु जुइधुंकूगु खः ।

थीथी राजनीतिक पार्टीं व व्यक्तिगत खर्चय् तकं गाडी रिजर्भ यानाः मतदातात जिल्ला जिल्लाय् यंकेगु ज्या जुयाच्वंगु दु । गुकिं यानाः न्हिथं चले जुइगु गाडीया तुलनाय् ५० प्रतिशत माग अप्वया गाडी सञ्चालन जुयाच्वंगु दु ।

नेपालभाषा टाइम्स

च्वमिया मेमेगु

• भ्वँतय् न्हापांखुसी नेपालभाषा साहित्य तःमुँज्या
• न्हूदँया लसताय् येँ–चौतारा मोटरसाइकल र्‍याली
• संस्कृतिविद् गणेशराम लाछिया ७५ क्वःगु बुन्हि हन
• लुँया भावय् न्हूगु कीर्तिमान
• नेपालय् न्ह्यानाच्वंगु जुजुवादी आन्दोलन, भारतीय हिन्दूत्वया लिच्वः