‘नो नट अगेन’ य् अल्पकालीन आदेश

येँ (नेपालभाषा टाइम्स)- सर्वोच्च अदालतं ‘नो नट अगेन’ सम्बन्धी दायर जूगु रिटयात कयाः अल्पकालीन अन्तरिम आदेश जारी याःगु दु । वरिष्ठ अधिवक्ता दिनेश त्रिपाठी व अधिवक्ता अनिल आचार्यं दायर याःगु रिटयात कयाः म्हिगः सुनुवाइ यासें न्यायाधीश हरिप्रसाद फुयालया एकल इजलासं उगु आदेश बिउगु खः ।

कारण देखाउपाखे अदालतं निगुलिं पक्षयात सहलहया नितिं सःतूगु खः । सामाजिक सञ्जालया पेज ‘नो नट अगेन’ लगायतया पेजयात बन्देज तयेगु निर्वाचन आयोगया निर्णय विरुद्ध अदालतय् रिट दायर याःगु खः ।

अधिवक्ता आचार्यं नेपालय् आः तक सकारात्मक भोटया जक व्यवस्था दुगु व सर्वोच्च अदालतं हे ‘नो भोट’ या व्यवस्था यायेगु नितिं कानुन दयेकेत निर्देशक बीधुंकूगु अवस्थाय् नो नट अगेनया पेजयात बन्देज तयेगु निर्णय व ख्याच्वm कानुन सम्मत मजूगु धासें अज्याःगु निर्णय बदर यायेत माग यासें रिट दर्ता याःगु खः ।

जनतां मयःपिं उम्मेदवारयात नो भोटया व्यवस्था मजुयाच्वंगु अवस्थाय् जनतां स्वतःस्फूर्त रुपय् नो नट अगेन या अभियान बन्देज तयेगु ज्या निर्वाचन आयोगया वाक स्वतन्त्रताय् हस्तक्षेप जूगु जिकिर रिट निवेदनय् यानातःगु खः ।

नेपालभाषा टाइम्स

च्वमिया मेमेगु

• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल
• छायादेवीया जग्गा पुखू प्रमाणित
• पाहाँचःह्रे क्वचाल
• ताेखाय् बिस्काःया निंतिं यःसिं थन