चिचिग्वःगु यःसिं थनाः येँयाः शुरु

ख्वप – धार्मिक व सांस्कृतिक महत्वया परम्परागत येँयाः नखः थन नं शुरु जूगु दु । यंलाथ्व द्वादशिकुन्हु इन्द्रया मूर्तिकथं त्वाःत्वालय् चिचिग्वःगु यःसिं थनेगु चलन दु । थन यःसिंयात स्थानीय भासं ‘यमाःद्यः’ धायेगु याइगु खः ।

येँयाःया झ्वलय् धार्मिक पुजा यासें इताछेँ, तेखापुखू, नासमना, साक्वथा, बुलुचा, सुर्जमरि, खौमा, वंशगोपाल, भोलाछेँ लगायतया थीथी थासय् चिचिग्वःगु यःसिं थनेगु ज्या जूगु खः । येँय् थें हे थन नं च्याचा गुन्हुतक येँयाः हनेगु चलन दु । स्वनिगः बाहेकं देय्या मेमेगु थासय् नं थःथःगु हे पहलं येँयाः नखः न्यायेकेगु चलन दु ।