‘बागी उम्मेदवारी निष्क्रिय या’

येँ (नेपालभाषा टाइम्स)÷नेपाली कांग्रेसं गठबन्धनया उम्मेदवार विरुद्ध बागी उम्मेदवार जूपिंत वइगु असोज ३१ गते तक उम्मेदवारी निष्क्रिय यायेत निर्देशन बिउगु दु । कांग्रेसं म्हीग छगू विज्ञप्ति पिकासें सत्ता गठबन्धन विरुद्ध बागी उम्मेदवारी बिउपिंत न्यादँया नितिं पार्टीं निष्काशन याःगु खःसा म्हिगः हाकनं मुख्य सचिव कृष्णप्रसाद पौडेलं मेगु विज्ञप्ति जारी यासें उम्मेदवारी निष्क्रिय यात धाःसा कारबाही फुकुवा यायेगु खँ धाःगु खः ।

विज्ञप्तिइ धयातःगु दु, ‘उम्मेदवारी लित मकाःपिं विद्रोही उम्मेदवारं पार्टीया आधिकारिक उम्मेदवारलिसे गठबन्धन दलया आधिकारिक उम्मेदवारयात त्याकेत पूर्ण रुपय् सक्रिय जुइगु प्रतिबद्धता सहित २०७९ असोज ३१ गते दुने सार्वजनिक रुपय् वक्तव्य पिथनाः थःगु उम्मेदवारी निष्क्रिय यात धाःसा अज्याःपिं विद्रोही उम्मेदवार व वया समर्थक व प्रस्तावयात याःगु कारबाही पार्टी केन्द्रं माःगु प्रक्रिया गाकाः फुकुवा याइ ।’

नेपालभाषा टाइम्स

च्वमिया मेमेगु

• भाषासेवी विष्णु चित्रकार मंत, कन्हय् जगतसुन्दर ब्वनेकुथिइ अन्तिम श्रद्धाञ्जलीया निंतिं तइगु
• कुमारी छेँया त्वरं पुनर्स्थापना (भिडियाे रिपाेर्ट)
• बोस्टनय् सक्वया सम्पदाया चित्रकला ब्वज्या
• एनपीपीएया नायः पदय् शान्ति श्रेष्ठ
• समाजसेवी दिलबहादुर मानन्धर मंत