महानगरया ‘क्लिन द सिटी’ अभियान
येँ (नेपालभाषा टाइम्स)- येँ महानगरपालिकां चालु आर्थिक दँ ०७९÷८० लय् ‘क्लिन द सिटी’ अभियान न्ह्याकीगु जूगु दु । महानगरपालिकां न्ह्याकीगु थुगु अभियानया निंतिं बजेट नं विनियोजन याःगु दु । येँ महानगरं न्ह्याकीगु थुगु अभियानया निंतिं १० लख बजेट विनियोजन याःगु दु ।
येँया फोहर व्यवस्थापन यायेगु व उकिया निंतिं स्रोतय् हे फोहर वर्गीकरण यायेगु नीतिगत व्यवस्था नं याःगु दु । महानगरं थुगु अभियानया निंतिं विनियोजन याःगु बजेटपाखें स्रोतय् हे फोहर वर्गीकरण यायेगु ल्याखं स्वताजि कथंया वेष्टविनया व्यवस्था नं याइगु जूगु दु । उकिया निंतिं महानगरं स्वंगू करोड विनियोजन याःगु दु । महानगरं वेष्टविन न्यानाः सहुलियतय् वितरण यायेगु खँ धाःगु दु ।
थुकथं हे महानगरं सरसफाइया ज्या याइपिं कर्मचारीतय् स्वास्थ्य बीमा यायेत्यंगु दुसा उकिया निंतिं ५० गू लख विनियोजन याःगु दु । मेखे स्वास्थ्य कर्मचारीया निंतिं साब्वं, रुमाल, गमबुट, बर्सादी न्यायेत ४० गू लख माक्स, स्यानिटाइजर, पञ्जा लगायतया ज्वलं न्यायेत २५ गू लख बजेट विनियोजन याःगु दु ।
अथे हे विशेष सरसफाइ, रात्रीभत्ता, खाना व खाजाया निंतिं ५० गू लख, सफाइ कर्मचारीया चियाया निंतिं १५ गू लख नं विनियोजन याःगु दु ।
LEAVE YOUR COMMENTS