नेपाः चाःहिकीगु बोर्ड गेम सार्वजनिक

येँ (नेपालभाषा टाइम्स)÷ बज्र पोर्टलं नेपाः चाःहिलेगु बोर्ड गेम ‘ट्राभल नेपाल’ सार्वजनिक याःगु दु । थ्व बोर्ड गेम पाखें छेँय् हे च्वनाः नेपाः चाःहिलागु अनुभव यायेफइ । थ्व बोर्ड गेम म्हिताः मोहनिया इलय् थःगु छेँ, परिवार त्वःता मवँसे हे थः छेँजः पासापिंलिसे च्वनाः नेपाःया न्ह्यइपु न्ह्यइपुगु थाय्या यात्रा याइफइगु खँ पोर्टलं धाःगु दु ।

अथेहे थ्व गेम गैरनेपाली पर्यटकतय् निंतिं विशेष जुइ धासें थ्व गेम मार्फत नेपाः चाःहिउ वःपिं पर्यटकतय्सं नेपालय् छु छु क्रियाकलाप यायेफइ, गन गन चाःहिलेफइ, थन छु गज्याःगु कार्यक्रम जुइ, गज्याः गज्याःगु नसात्वँसा दइ धयागु जानकारी कायेफइगु खँ धाःगु दु ।

पोर्टलं छगू प्रेस विज्ञप्ति जारी यासें थःपिंसं थुगु गेमय् फयांफक्व यक्व जानकारी दुथ्याकेगु कुतः यानागु व लिपा नं थप जानकारी सहित यक्व हे कार्डत पितहयेगु खँ धाःगु दु ।

नेपालभाषा टाइम्स

च्वमिया मेमेगु

• ख्वनाया रुद्रायणी देगः बजेट अभावं अलपत्र
• असोज १३ निसें नोट हिले दइगु
• तोखाया धर्म संस्कृति सम्बन्धी सफू
• यःसिं हनुमानध्वाखा थ्यन
• देय दबूया स्वीक्वःगु बुसादँ हन