भदौ २५ निसें पेट्रोल ढुवानी दिकीगु

येँ (नेपालभाषा टाइम्स)- पेट्रोलियम ढुवानी व्यवसायी महासंघं ढुवानी भाडा थकायेमाःगु माग यासें आन्दोलनया घोषणा याःगु दु । महासंघं तत्काल भाडा थमकाल धाःसा वइगु भदौ २५ गते निसें पेट्रोलियम पदार्थ ढुवानी दिकेगु धाःगु खः ।

महासंघया अध्यक्ष खगेश्वर बोहरां थःपिं लिसे जूगु सहमति कार्यान्वयन मजूगुलिं बाध्य जुयाः आन्दोलनया ज्याझ्वः घोषणा यायेमाःगु खँ धयादीगु दु ।

ढुवानी भाडा अप्वयेकेत थ्व स्वयां न्ह्यः प्यक्वः तक आन्दोलन यायेधुनागु व उकी निगमं पटक पटक सहमति याःसां नं कार्यान्वयन मयाःगुलिं न्याक्वखुसी आन्दोलनया घोषण यायेमाःगु खँ नं अध्यक्ष बोहोरां धयादीगु खः ।