युट्य्बं वःगु ध्यबा कलाकार मानकृष्णयात

येँ – ईलोहं प्रकाशनं ताःई न्ह्यःनिसें म्हं मफयाच्वंम्ह नांजाःम्ह कलाकार मानकृष्ण वावायात आर्थिक ग्वाहालि लःल्हाःगु दु । प्रकाशनं युट्युब च्यानलय् कलाकार वावां निर्माण व अभिनय यानादीगु ‘थ्व ला ग्यानापु स्टाइल’या छगू लख स्वकुमि पूवंगु व उकिया वापत आम्दानी जूगु ध्यबा वय्कःयात लःल्हाःगु खः ।

युट्युबय् छगू लख स्वकुमि पूवंगु वापत आम्दानी जूगु ५२ अमेरिकी डलर नापं प्रकाशनपाखें १२,०००÷– तका दां वय्कःयात लःल्हाःगु खः । ताःई न्ह्यःनिसें म्हं मफयाः छेँय् वासः याकाच्वनादीम्ह वय्कःयात छेँय् वनाः प्रकाशनया प्रबन्ध निर्देशक नरेशवीर शाक्यं उगु आर्थिक ग्वाहालि लःल्हानादीगु खः ।

उगु इलय् नेपालभाषाया साहित्यिक संस्था देगः म्हिचा सफूया भरत साःमिं नं न्याद्वः तका आर्थिक ग्वाहालि लःल्हानादीगु खः । कलाकार वावाया स्वास्थ्यस्थितिया बारे जानकारी कायेत साःमिलिसें भाषा ह्यमिपिं बालकृष्ण प्रजापति, रविना साय्मि, दीपक कपाली वय्कःया छेँय् झायादीगु खः ।
नेवाःया ख्यःया मनोरञ्जनात्मक सामग्री युट्युबय् तयाः थुकथं आम्दानी जूगु ध्यबा निर्माता, कलाकारयात लःल्हाये खंगुलिं लसता वःगु खँ ईलोहं प्रकाशनया युट्युब च्यानलया दर्शनवीर शाक्यं कनादिल ।

सम्बन्धित बुखँ

LEAVE YOUR COMMENTS