विद्या सुन्दर निगू थासं सिफारिस

येँ (नेपालभाषा टाइम्स)÷ नेकपा एमालें येँया झिगुलिं क्षेत्रय् उम्मेदवार सिफारिस याःगु दु । एमालेया निर्वाचन क्षेत्रस्तरीय समितिं थःथःगु क्षेत्रपाखे उम्मेदवारया नां जिल्ला कमिटीइ सिफारिस याःगु खः ।
सिफारिस कथं क्षेत्र नम्बर १ पाखें विदुर मैनाली, रुपनारायण श्रेष्ठ व टिकाराम भट्टराइ, क्षेत्र नम्बर २ नं मणिराम फुयाँल व ३ पाखें कृष्ण राईया नां सिफारिस जूगु दु । उकथं हे ४ नं.य् राजन भट्टराई व निर्मल कुँइकेल, ५ नं.य् ईश्वर पोखरेल, ६ नं.य् कल्पना रिजाल, योगेन्द्र संग्रौला, लेखनाथ फुँयाल, प्रेमराज सिलवाल, माता प्रताप थापा, मीना थापा व हरिशरण तिमल्सिनाया नां सिफारिस जूगु दु ।
अथे हे क्षेत्र नम्बर ७ पाखें विपी ढकाल, इन्दिरा पन्त, श्याम घिमिरे, विद्यासुन्दर शाक्य व रघुजी पन्तया नां सिफारिस जूगु दुसा ८ नंं. राजेश शाक्य, ९ नं. कृष्णगोपाल श्रेष्ठ, अजयक्रान्ति शाक्य व विद्यासुन्दर शाक्यया नां सिफारिस जूगु । पुलांम्ह मेयर विद्यासुन्दर शाक्यया नां निगू थासं सिफारिस जूगु खः । अथेहे १० नं. य् विनोद श्रेष्ठ, किपुया पुलांम्ह मेयर रमेश महर्जन, सुरेन्द्र मानन्धर, शम्भुराम महर्जन व शरब महर्जनया नां सिफारिस याःगु दु ।