सिसडोल वनेगु लँया ठेक्का त्वाःथल

येँ (नेपालभाषा टाइम्स)- येँया फोहोर क्वबियाः सिसडोल तक वनेगु विवादास्पद लँया ठेक्का सरकारं त्वाःथला बिउगु दु । स्थानीय जनतां उगु लँ मदयेकल धकाः इलय् ब्यलय् हडताल याइगु कारणं येँय् फोहोर द्वँचिनेगु समस्या जुया वयाच्वंगु दु ।

च्यादँ दुने निर्माण क्वचायेकेगु धयातःगु उगु लँ झिंन्यादँ दतं नं ४६ प्रतिशत स्वयां अप्वः ज्या सिमधःनिगु जुयाः सरकारं ठेक्का त्वाःथलाः ठेकेदार कम्पनी भारतया डिआरएआइपीएल, नागार्जुन, कोसी एण्ड न्यौपाने जेभीयात हाकुगु धलखय् तयेत सिफारिस नं याःगु दु ।