बागमतीया मुख्यमन्त्री पाण्डेया राजीनामा

येँ (नेपालभाषा टाइम्स)- संवैधानिक जटिलताया कारणं बागमति प्रदेशया मुख्यमन्त्री राजेन्द्र पाण्डें मुख्यमन्त्री पदं राजीनामा बीमाःगु अवस्था ब्वलंगु दु । म्हिगः संघीय सांसदया शपथ कायेधंकाः वय्कःया भूमिका प्रदेशया मुख्यमन्त्री व प्रतिनिधिसभा दुजःया रुपय् दइगु जूगुलिं वय्कलं थ्व निगू मध्ये छगू पदं राजीनामा बीमाःगु अवस्था ब्वलंगु खः । पाण्डें मुख्यमन्त्री पदं राजीनामा मबिसे हे प्रतिनिधिसभाया दुजः कथं शपथ कायेवं वय्कःया आलोचना शुरु जूगु खः ।

पाण्डें थौं तक राजीनामा बीफइगु खँ धाःगु दु । पाण्डे वंगु २०७८ कार्तिक ११ गते प्रदेशया मुख्यमन्त्री जुयादीगु खः । पाण्डें मुख्यमन्त्रीं राजीनामा बीधुंकाः न्हूगु सरकार गठनया प्रक्रिया न्ह्याइ ।

वय्कलं राजीनामा बीधुंकाः प्रदेश प्रमुखं न्हूगु सरकार गठनया नितिं प्रक्रिया न्ह्याकीगु खँ धाःगु दु । प्रदेशसभा सचिवालयं सांसदया शपथ, न्हूगु अधिवेशनया कार्यसूची क्वःछीत थौं हे सर्वदलीय बैठक सःतूगु दु ।