पेट्रोलया कर क्वपालेत निर्देशन

येँ (नेपालभाषा टाइम्स)÷ संसदीय समितिं पेट्रोलियम पदार्थय् सरकारपाखें कया वयाच्वंगु कर ५० प्रतिशत म्हो यायेत सरकारयात निर्देशन बिउगु दु । उद्योग, वाणिज्य व श्रम तथा उपभोक्ता हित संरक्षण समितिया म्हिगः च्वंगु बैठकं सरकारयात उगु
निर्देशन बिउगु खः ।

समितिं सरकारयात बिउगु निर्देशनय् धयातःगुु दु, ‘पेट्रोलियम पदार्थया चरम भाः थहांवनाः लाःगु लिच्वःयात तत्काल म्हो यायेगु कथं जनतायात राहत उपलब्ध

याकेत विद्यमान अन्तर्राष्ट्रिय परिवेशं पेट्रोलियम पदार्थया भाः सामान्य मजूतलेया निंतिं नेपाल सरकारं नेपाल आयल निगमलिसे थीथी शीर्षकय् कया वयाच्वंगु ५० प्रतिशत कर म्हो यायेत निर्देशन बियाच्वना ।’

पेट्रोलियम पदार्थय् राज्यं यक्व कर कयातःगु कारणं यानाः बजारय् भाः क्वकाये मफयाच्वंगु खँ न्हापांनिसें धायेगु याना वःसां सरकारं धाःसा थ्व पक्षयात खास हे ध्यान मबिसे च्वनाच्वंगु खः ।

नेपालभाषा टाइम्स

च्वमिया मेमेगु

• आत्मदाह याःम्ह गणेश नेपालीं सीवं सरकार विरुद्ध प्रदर्शन (किपा)
• नेपालभाषाया ‘ख्वबि’ संकिपाया प्रदर्शन व कलाकार हना
• थेरवाद बुद्धिष्ट एकेदेमिया प्राचार्य डा. शाक्यया लुमन्तिइ श्रद्धाञ्जली देछा
• चाँगुनारायणय् धिमे बाजं व प्याखंया ब्वज्या
• महानगरया थःगु हे अत्याधुनिक खाद्य प्रयोगशाला