ने. सं. ११४६ चिल्लागा नवमी -

येँय् नेवाः संग्रहालय चायेकीगु

यँ- नेपाःया पर्यटन व्यवसाययात तिबः बीगु लागिं येँय् छगू नेवाः संग्रहालय चायेकेगु घोषणा बजेटय् याःगु दु । अर्थमन्त्री जनार्दन शर्मां म्हिगः यानादीगु बजेट भाषणय् थ्व खँ न्ह्यथनातःगु खः । वय्कलं येँय् नेवाः संग्रहालय व पोखराय् गुरुङ संग्रहालय चायेकेगु लिसें किपुली च्वंगु जनजाति संग्रहालययात विस्तार यायेगु खँ नं धयादीगु दु । सर्वोच्च अदालतं उकुन्हु तिनि निजगढ विमानस्थल दयेके दइ मखु धकाः फैसला याःसां सरकारया म्हिगःया बजेटय् धाःसा निजगढ विमानस्थलया ढाँचा तयार यानाः न्ह्यःने यंकेगु धकाः घोषणा याःगु दु ।