येँ व यलय् वडाया अवस्था

येँ (नेपालभाषा टाइम्स)- येँ महानगरपालिकाया ३२ मध्ये अधिकांश वडाय् नेपाली कांग्रेसया उम्मेदवारत त्याना वःगु दु । येँ मनपाय् फुक्कं वडाया मतगणना क्वचाःगु मदुसां बोर्डय् कांग्रेसया बहुमत दइगु निश्चित जूगु दु । आः तकया लिच्वः मध्ये कांग्रेसं वडा नं. ६, ८, ९, १०, ११, १२, २०, २४, २५, २७, २८, २९ व ३० य् त्याकेधुंकूगु दुसा मेगु वडाय् नं अग्रता कयाच्वंगु दु । एमालें आः तक वडा १, २, ३, ४, ५, २३ व ३२ जक त्याकूगु दुसा वडा १३, १४, २१, २२ य् अग्रता कयाच्वंगु दु । वडा १५ य् एसया ईश्वरमान डंगोल न्ह्यःने दु ।

अथे हे यल महानगरपालिकाय् मेयर पदय् कांग्रेसया चिरिबाबु महर्जन व उपमेयरय् एमालेया मञ्जली शाक्य त्याइगु निश्चित जुयाच्वंगु दु । अनया वडा नं. ४, ६, ७, ८, ९, १०, ११, १४, १६ व २० य् कांग्रेस त्याःगु दु । अथे हे वडा ५, १२, १५, १९ व २३ य् एमाले त्याःगु दु । वडा २ व ३ य् एकीकृत समाजवादी त्याःगु दुसा वडा १ व १३ य् स्वतन्त्र उम्मेदवारत त्याःगु दु । अथे हे वडा २१ य् माओवादी त्याःगु दु । गणना जुयाच्वंगु प्यंगू वडाय् एमालें अग्रता कयाच्वंगु दु । यल महानगरपालिकाय् २९ गू वडा दु ।

सम्बन्धित बुखँ

LEAVE YOUR COMMENTS