पद्मरत्नयात श्रद्धाञ्जली बीत नेतात अस्पतालय्
येँ – नेवाः न्ह्यलुवाः व मानवअधिकारवादी नेता पद्मरत्न तुलाधरयात श्रद्धाञ्जली बीगु निंतिं थीथी दलया नेतात नर्भिक अस्पताल थ्यंगु दु । वय्कःयात श्रद्धाञ्जली बिइधुंकाः पत्रकारतलिसे खँ ल्हासें नेकपाया नेता माधव नेपालं नेपाल संवत्यात राष्ट्रिय मान्यता बिइगु निंतिं पद्मरत्नं म्हितूगु भूमिका गुबलें ल्वःमंके फइमखु धयादिल । अथेहे प्रजातन्त्र पुनस्थापना, मानवअधिकार व शान्ति प्रक्रियाय् भाजु तुलाधरं अतुलनीय भूमिका म्हितूगु खँ नं वय्कलं धयादिल ।
अथेहे नयाँ शक्ति पार्टीया संयोजक डा. बाबुराम भट्टराई व नेतृ हिसिला यमि नं अस्पताल थ्यंगु दु । डा. भट्टराईनं भाजु तुलाधर लोकतान्त्रिक आन्दोलनया छगः थां जूगु खँ धयादिसें वय्कः सकसियां हनेबहम्ह आदर्शवान व निष्ठावान व्यक्तित्व जूगु खँ धयादिल ।
वय्कःयात श्रद्धाञ्जली बिइगु निंतिं शिक्षा, विज्ञान तथा प्रविधि मन्त्री गिरिराजमणि पोखरेल नं अस्पताल थ्यंकादीगु दु ।
LEAVE YOUR COMMENTS