येँय् एमालेया वृहद् र् याली (किपा स्वयादिसँ)

येँ (नेपालभाषा टाइम्स)- नेकपा (एमालें) थौं शनिवाः येँया पम्परागत नगर दुने तःधंगु ¥याली पिकाःगु दु । येँ महानगरपालिकाया मेयर उम्मेदवार केशव स्थापित व उपमेयरया उम्मेदवार सुनिता डंगोल लिसें परम्परागत नगर दुने लाःगु वडा नं. १७, १८, १७, २०, २१, २२, २३, २४ व २५ वडाया उम्मेदवारपिं सहित ¥याली जूगु दु । येँया हनुमानध्वाखां न्ह्याःगु ¥यालीइ तःधंगु ल्याखय् एमाले समर्थकतय् सहभागिता दुगु खः । ¥यालीइ एमाले उपाध्यक्ष इश्वर पोखरेल, संघीय सांसद कृष्णगोपाल श्रेष्ठ, बीना श्रेष्ठ, येँ महानगरपालिकाया मेयर विद्यासुन्दर शाक्य, बागमति प्रदेश सांसदपिं अजयक्रान्ति शाक्य, राजेश शाक्यपिनि नं सहभागिता दुगु खः ।
हनुमानध्वाखां सुरु जुगू ¥याली चिकंमुगः, न्हूघः, लगं, ब्रम्हूत्वाः, वन्दे, ह्युमत, मरु, दमाइत्वाः, न्यत, छत्रपाटी, थँहिति, ज्याथा, असं, महाबू, न्हूसतक, तेबहाः, खिचापुखू जुयाः ओमबहालय् थ्यंकाः क्वचायेकूगु खः । ¥यालीइ सहभागी मेयर, उपमेयरया उम्मेदवार लिसें थीथी वडाया उम्मेदवारपिंत थाय्थासय् स्थानीयपिंसं ख्येँ सगं बियाः भिंतुना बिउगु खः ।

????????????????????????????????????

सम्बन्धित बुखँ

LEAVE YOUR COMMENTS