शुटकेशय् लूगु लाशया सनाखत

येँ (नेपालभाषा टाइम्स) – म्हीग थनया ग्वंगःबुँइ सुटकेशय् लूगु लाशया सनाखत जूगु लिसें स्याःगु थाय् नं पत्ता लगे जूगु खँ प्रहरीं धाःगु दु। प्रहरीया कथं सीम्ह मनू दाबया कृष्णबहादुर बोहरा खः । उम्ह मनू नयाँ बजारय् च्वंगु छगू कारखानाय् ज्या याइम्ह खः । म्हीग सीम्ह वांछ्वयातःगु थाय् स्वयां ५० मिटर तापाक च्वंगु छखा छेँय् वयात स्यानाः वांछ्वये हःगु खँ प्रहरीं धाःगु दु। म्हिगः बहनी तक प्रहरीं सुयातं ज्वंगु मदुनिसा हत्याया कारण नं मलूनि । वयागु छ्यं व म्ह अलग अलग यानाः अन वांछ्वये हःगु खः ।