सरकारी अस्पताल फुक्कं कोरोना अस्पताल

येँ (नेपालभाषा टाइम्स) – स्वास्थ्य तथा जनसंख्या मन्त्रालयं स्वनिगःया फुक्कं अस्पतालतय्त आकस्मिक बाहेक अपरेशन मयायेत निर्दे शन बिउगु दु। लक्षण दुपिं कोरोना संक्रमिततय् ल्याः अप्वया वयेवं मन्त्रालयं थ्व निर्दे शन बिउगु खः । अथेहे मन्त्रालयं स्वनिगःया फुक्कं सरकारी अस्पतालयात कोरोना अस्पताल दयेकेगु नं निर्णय याःगु दु ।

मन्त्रालयया प्रवक्ता डा. जागेश्वर गौतमं कोरोना विरामीतय्गु निंतिं आइसियु व भेन्टिलेटर बेड अप्वयेके माःगुलिं आकस्मिक बाहेक मेगु अपरेशन मयायेगु निर्णय जूगु खँ धयादीगु दु। मन्त्रालयं फुक्कं सरकारी अस्पतालयात कोभिड अस्पताल दयेकेगु निर्णय यायेगु झ्वलय् स्वास्थ्य विभागयाके दुगु भेन्टिलेटर, आइसियु व अक्सिजन फुक्कं नं सघन उपचारया निंतिं व्यवस्थापन यायेगु निर्णय याःगु खः । अथेहे सरकारं होटलतय्त नं आइसोलेसन दयेकेत स्वीकृति बीगु नं निर्णय याःगु दु। थज्याःगु होटलय् धाःसा संक्रमितत बाहेक मेपिं तयेदइमखु ।