एमालेया महानगर प्रतिवद्धतापौ स्वंगू भासं

येँ- नेकपा (एमालें) येँ महानगरया चुनावी प्रतिवद्धतापौ स्वंगू भासं सार्वजनिक याःगु दु । नेकपा (एमाले) येँ महानगर कमिटीं शुक्रवाः स्वंगू भाषाया प्रतिवद्धतापौ सार्वजनिक याःगु खः । एमालें खस नेपाली, नेपालभाषा व अंग्रेजी भासं थःगु प्रतिवद्धतापौ सार्वजनिक याःगु खः ।

उगु प्रतिवद्धतापौ फुक्कसिनं थुइगु सम्पर्क भाय् खस नेपालीया नापं येँया स्थानीय भाय् नेपालभाषा व ल्याय्म्ह पुस्ता नापं निगुलिं भाय् मथुपिं विदेशीतय् निंतिं अंग्रेजी भासं प्रतिवद्धतापौं तयार याःगु खः ।

नेपालय् दुगु फुक्कं भाय्प्रति सम्मान प्वंकूसें प्रतिवद्धतापौ पिथनेवलय् सम्प्रेषणीय जुइगुलिं नेकपा (एमालें) स्थानीय भाषाय् नं प्रतिवद्धतापौ सार्वजनिक याःगु खः ।

नेकपा एमालें येँ महानगरया निंतिं पिथंगु प्रतिवद्धतापौलय् मुक्कं १०८ गू बुँदा दुथ्याः । थुकी येँया सम्पदा, पूर्वाधार निर्माण, फोहरमैला व्यवस्थापन थंज्याःगु विषय केन्द्रित बुँदात न्ह्यथनातःगु दु ।

नेकपा (एमाले) येँ महानगरं नेवाः भासं पिथंगु प्रतिवद्धतापौ क्वय्या लिंकय् क्लिक यानाः स्वयादीफइ ।UML_Commitment_Newa_Final

 

सम्बन्धित बुखँ

LEAVE YOUR COMMENTS