श्रीलंकाय् राष्ट्रपति राजापाक्षेपाखें न्हूगु मन्त्रिपरिषद् गठन

एजेन्सी- गंभीर आर्थिक संंकटय् लानाच्वंगु श्रीलंकाय् न्हूगु मन्त्रिपरिषद्या गठन जूगु दु । श्रीलंकाया राष्ट्रपति गोेटबाया राजापाक्षें १७ म्ह मन्त्री दुगु न्हूगु मन्त्रिपरिषद् गठनया घोषणा याःगु खः ।

श्रीलंकाय् सरकार विरोधय् जूगु आन्दोलनलिपा मन्त्रिपरिषद्या सकलें दुजःपिंसं राजीनामा बिउगु खः । राष्ट्रपति गोेटबाया राजापाक्षें न्हूगु सरकार गठनया निंतिं विपक्षी पार्टीतय्के ग्वाहालि फ्वंगु खः, तर विपक्षीतय्सं राजापाक्षेया प्रस्ताव अस्वीकार याःगु दु ।

विदेशी मुद्राया अभावं श्रीलंकाय् आःतकया दकलय् तःधंगु आर्थिक संकट वःगु खः । थुकिं यानाः खाद्यान्नया आभाव जुयाच्वंगु दुसा वासः व इन्धनया नं अभाव जुयाच्वंगु दु । अथे हे न्हियान्हिथं लोडसेडिङ्ग नं अप्वयाच्वंगु दु । सरकारया विरोधय् न्हियान्हिथं प्रर्दशन जुयाच्वंगु दु ।

सम्बन्धित बुखँ

LEAVE YOUR COMMENTS