चीनं विश्वन्यंकं निगू अर्ब कोरोना विरुद्धया खोप बिइगु

एजेन्सी- चीनं विश्वया थीथी देय्यात निगू अर्ब कोरोना विरुद्धया खोप बिइगु जूगु दु । चीनं माःकथं खोप वितरण यायेगु धाःगु दु । चीनं गुलि डोज मिइगु व गुलि अनुदानय् बिइगु धयागु खँ धाःसा स्पष्ट याःगु मदुनि । अथे हे विश्व स्वास्थ्य संगठनं सञ्चालन याना वयाच्वंगु कोभ्याक्सया ज्याझ्वःया निंतिं १० करोड डलर बिइगु घोषणा नं चीनं याःगु दु । थ्व ज्याझ्वःकथं विश्व स्वास्थ्य संगठनं गरिब देसतय्त खोप थ्यंकेगु ज्या यानाच्वंगु दु ।

कोभिड–१९ या अप्रेसन फोरमया बिहिवाः च्वंगु बैठकय् चीनया राष्ट्रपति सी जिनपिङं लिखित सन्देश छ्वयाः थुकिया जानकारी बिउगु खः । सन्देशय् राष्ट्रपति सीं कोरोना विरुद्ध विश्व छप्पँ जुयाः ल्वायेमाःगु व उकिया नितिं चीनं नं भूमिका म्हितेगु धाःगु खः ।

अमेरिकां नं विश्वया थीथी देय्यात खोप बिइगु घोषणा यायेधुंकूगु दु । अमेरिकां आः वइगु महिनाय् १०० गू गरिब देय्यात ५० करोड खोप बिइत्यंगु दु ।

सम्बन्धित बुखँ

LEAVE YOUR COMMENTS