गणेश–भैरव हिलेगु बारे हानं बैठक

येँ – येँयाःबलय् जात्रा याइपिं गणेश व भैरव हिलेगु निंतिं वइगु बिहिवाः हाकनं सहलह जुइगु खँ धाःगु दु । वंगु बिहिवाः गुथि संस्थानय् जूगु सहलहय् छुं निर्णय यायेमफयेवं स्थगित जूगु खः । वंगु मोहनिबलय् हे गणेश व भैरव हिलेमाःगु खःसां उबले छुं क्वःजीमफयेवं
चैतदसैंबलय् हिलेगु खँ जूगु खः ।

थुकियात कयाः हे आः निरन्तर सहलह जुयाच्वंगु खँ धाःगु दु । गणेश व भैरव हिलेगु निंतिं गुथि संस्थान, शाक्य महाविहार संघया प्रतिनिधि, वर्तमान तथा भुपू गणेश भैरव संरक्षण समितिया प्रतिनिधि, सरोकारवाला पक्ष व वर्तमान गणेश व भैरवया छेँजःपिं सहित च्वनाः सहलह जुयाच्वंगु खः ।