भाः नियन्त्रण यायेत निर्देशन

येँ – पेट्रोलियम पदार्थया भाः नियन्त्रण यायेत सरकारयात संघीय संसद प्रतिनिधिसभाया उद्योग तथा वाणिज्य व श्रम तथा उपभोक्ता समितिं निर्देशन बिउगु दु । समितिया म्हिगः च्वंगु बैठकं पेट्रोलियम पदार्थ भाः थहां वंगुयात कयाः सहलह याःगु खः ।

समितिया सभापति विमलप्रसाद श्रीवास्तवं उपभोक्तायात मार मलाइ कथं सर्वसुलभ तरिकां पेट्रोलियम पदार्थ उपलब्ध याकाः थहां वंगु भाः नियन्त्रण यायेत सरकारयात निर्देशन बिउगु खः । उकथं हे नेपाल आयल निगमया उचित माग सम्बोधन यायेत नं सरकारयात सचेत याकूगु दु ।

सरकारयात बिउगु निर्देशनय् धयातःगु दु, ‘उपभोक्तायात मार मलाइ कथं सुलभ तरिकां पेट्रोलियम पदार्थ उपलब्ध जुइमाः, थुकिया नितिं नेपाल आयल निगम नं धरासायी स्थितिइ थ्यनाच्वंगुलिं सम्बन्धित निकाययात आयल निगमया जायज मागत सम्बोधन जुइमा धइगु समिति ठहर दु, उपभोक्तां सरल व सुलभ तरिकां पेट्रोलियम पदार्थ काये दयेमाः धकाः सम्बन्धित निकाययात निर्देशन बियाच्वना ।’

सम्बन्धित बुखँ

LEAVE YOUR COMMENTS