थौं सिलाचःह्रे महाद्यःया विशेष पुजा

येँ -थौं सिलाचःह्रे । महाशिवरात्री नं धाइगु थौंया न्हि देय्न्यंकं महाद्यःया पुजाआजा यायेगु ज्या जुइ । थ्व झ्वलय् दकलय् तःधंगु मेला येँया पशुपतिइ जुइ । थुगुसी पशुपतिइ निदँ लिपा सिलाचःह्रेया मेला जुइत्यंगु जुयाः विशेष रुपं झिलिमिलि याना तःगु दुसा अन छुं न्हि न्ह्यवंनिसें हे भारत लिसें नेपाःया थीथी थाय्या साधु सन्तत वयाः च्वंच्वने धुंकूगु दु । थौंया न्हिया लागिं पशुपति लागाय् यातायात व्यवस्थापन हे मेकथं यानातःगु दु ।

थौं सिलाचःह्रे कुन्हु स्वनिगःया नेवाः वस्तीइ धाःसा बहनी मि च्याकाः मि कुनेगु चलन दु । थौं मि च्याकाः हलुवा आदि दयेकाः इनाः नयेगु नं चलन दु । न्हिनय् लँय् लँय् जगाः कायेगु नं चलन दु । बहनी मि च्याकेगु लागिं थौं थीथी त्वालय् तःजिक तयारी नं जुयाच्वंगु दु ।
सिलाचः¥हेया न्हियात नेपाली सेनां धाःसा ‘सैनिक दिवस’ या रुपय् हनेगु याना वयाच्वंगु दु । थ्व लसताय् थौं नेपाली सेनापाखें थनया सैनिक मञ्चय् विशेष ज्याझ्वः यायेत्यंगु दु । अन सेनां थीथी हेलिकप्टर, गाडी, सल आदि छ्यलाः सैन्य गतिविधि यासें थ्व दिवस हनेगु याना वयाच्वंगु दु ।