भिक्षु हेरा साहित्य सिरपाः लःल्हात

येँ- नेपालभाषा साहित्य ख्यःया नांजाःम्ह साहित्यकार पुष्परत्न तुलाधरयात थुगुसीया भिक्षु हेरा साहित्य सिरपाः लःल्हात । उदाय समाजया नकतिनि क्वचाःगु १७ क्वःगु दँमुँज्याय् साहित्यकार तुलाधरयात उगु सिरपाः लःल्हाःगु खः ।

दँय्दसं बीगु उगु सिरपाः नेपालभाषा साहित्यया विकासय् तुलाधरं बियादीगु योगदानया कदर यासें उगु सिरपाः लःल्हाःगु खः । वय्कःयात दोसल्लां न्ययेकाः हनापौलिसें द्वःछि तका दां सिरपाः लःल्हाःगु खः ।

थुगु सिरपाः थगुने साहित्यकार पूर्णकाजी ताम्राकारयात लःहाःगु खः । उगु सिरपाः थौंकन्हय् अमेरिकाय् च्वंच्वनादीम्ह साहित्यकार केशरमान ताम्राकारं थः अबु भिक्षुरत्न व मां हिरादेवीया नामं स्वनादीगु खः ।