म्यानचेस्टर युनाइटेड व एट्लेटिको म्याड्रिड बराबरीइ

एजेन्सी- युइएफए च्याम्पियन्स लिग अन्र्तगत बुधवाः चान्हय् जूगु निगुलिं कासा बराबरीइ क्वाचाःगु दु । अन्तिम १६ या न्हापांगु लेगया कासाय् म्याचेस्टर युनाइटेडं एट्लेटिको म्याड्रिडलिसे बराबरी म्हितूगु खःसा बेन्फिका व आयाक्सं नं बराबरीइ म्हितूगु खः ।

इंग्लिस क्लब म्यानचेस्टर युनाइटेडं स्पेनया क्लब एट्लेटिको म्याड्रिडलिसे छगू छगू गोलया बराबरी म्हितूगु खः । एट्लेटिकोया मैदान वान्डा मेट्रोपोलिनय् जूगु कासाय् घरेलु टिम एट्लेटिको न्हापांगु हाफय् जाओ फेलिक्सया गोलं न्हय्गूगु मिनेटय् हे अग्रता काःगु खः, तर निगूगु हाफय् म्यानचेस्टर युनाइटेडं गोलं यानाः कासा बराबरीइ हःगु खः । युनाइटेडया निंतिं कासाया ८० औं मिनेटय् एन्थोनी एलान्गां गोल याःगु खः । बराबरीया कारणं युनाइटेडयात अवे गोलया फाइदा जुइ ।

लिगया मेगु कासाय् पोर्चुगिज क्लब बेन्फिकां डच क्लब आयाक्सलिसे निगू निगू गोलया बराबरी म्हितूगु खः । घरेलु मैदानय् बेन्फिकाया निंतिं रोमन यारेकचुकं छगू गोल याःगु खःसा मेगु गोल आत्मघाती जूगु खः । आयाक्सया सेबास्टियन हेलरं आत्मघाती गोल याःगु खः । आयाक्सया निंतिं डुसान टाडिक व सेबास्टियन हेलरं गोलं याःगु खः । आयाक्सयात नं अवे गोलया फाइदा जूगु दु ।

सम्बन्धित बुखँ

LEAVE YOUR COMMENTS