चीनं पाकिस्तानयात अत्याधुनिक युद्धपोत बिल

एजेन्सी- चीनं पाकिस्तानयात अत्याधुनिक युद्धपोत बिउगु दु । चीनं पाकिस्तानयात बिउगु युद्धपोत आतकया हे दकलय् तःधंगु व उन्नत युद्धपोत खः । चीनया स्टेट सिप बिल्डिङ कर्पाेरेसन लिमिटेडं (सिएसएससी) डिजाइन यानाः दयेकूगु तःधंगु अत्याधुनिक युद्धपोत सोमवाः चीनया सांघाई राज्यय् जूगु छगू ज्याझ्वलय् पाकिस्तानया नौसेनायात लःल्हाःगु खः । चीन व पाकिस्तानया स्वापूयात विशेष दयेकेगु व मौसमी रणनीतिक साझेदारीयात बल्लाकेगु निंतिं चीनं पाकिस्तानयात योगदानकथं युद्धपोत बिउगु खः ।

चीनया सरकारी सञ्चार माध्यम थुकियात निगू देय् दथुया स्वापूया तःधंगु उपलब्धि धकाः धाःगु दु । अथेहे पाकिस्तानया नौसेनां छगू विज्ञप्ति पिकयाः चीनं बिउगु युद्धपोत टाइप ०५४ए÷ पिया नां पिएनएस तुगरिल तयागु जानकारी बिउगु दु । चीनं पाकिस्तानयात बिउगु थ्व युद्धपोतं जमिनं जमिन, जमिनं आकाश व लखय् दुने नं मिसाइल कयेकेफइ । चीनं थज्याःगु हे मेगु प्यंगः युद्धपोत पाकिस्तानयात बिइत्यंगु दु । थ्व युद्धपोत न्हापांखुसी सन् २००८ य् चीनं नौसेनाय् दुथ्याकूगु खः ।

सम्बन्धित बुखँ

LEAVE YOUR COMMENTS