नेपालं शुक्रवानिसें टि–२०या ग्लोबल छनोट म्हितीगु 

एजेन्सी- विश्वकप टि–२० छनोट कासा थौं शुक्रवाःनिसें शुरु जुइगु जूगु दु । नेपाःया राष्ट्रिय क्रिकेट टिमं शुक्रवाः विश्वकप टि–२० छनोटया न्हापांगु कासा म्हिती । ओमानय् जुयाच्वंगु छनोट चरणया समूह ‘बी’ इ लाःगु नेपालं न्हापांगु कासा ग्वसाः देय् ओमानलिसे म्हिती । अथेहे निगूगु कासा १९ फ्रेबुअरीइ फिलिपन्सलिसे व २१ फेब्रुअरीइ क्यानाडालिसे म्हिती ।

नेपालं थुगुसी प्रशिक्षक पुबुुदु दासानायेकया प्रशिक्षणय् छनोट कासा म्हितेत्यंगु दु । थ्वयां न्ह्यः सन् २०१५य् नेपाः टि–२० विश्वकपय् छनोट जूबलय् दासानायेके हे पुबुदु हे प्रशिक्षक जुयाच्वंगु खः ।

थ्व छनोटय् निगू पुचलय् च्यागू टिमं ब्वति काःगु दु । समूह ‘ए’ आयरल्याण्ड, युएइ, बहराइन व जर्मनी दुसा समूह ‘बी’इ नेपाः, ओमान, क्यानाडा व फिलिपिन्स दु । पुचःया निगू शीर्ष टिमं सेमिफाइनलय् थाय् दयेकीसा फाइनलय् थ्यनीगु निगू टिम थ्व हे दँय्  अस्टे«लियाय् जुइगु टि–२० विश्वकपया निंतिं छनोट जुइ ।

सम्बन्धित बुखँ

LEAVE YOUR COMMENTS