देय् दबूया स्वंगू वडाय् कमिटी गठन

येँ( नेवाः देय् दबू येँ महानगर कमिटी अन्तर्गत स्वंगू वडाय् वडा कमिटी गठन याःगु दु । वंगु सोमवाः जूगु बिस्कं बिस्कं मुँज्यां येँ महानगर ८, १७ व २२ य् वडा कमिटी नीस्वंगु खः ।

येँ महानगर ८ वडा कमिटीइ शरदराज वैद्यया नेतृत्वय् झिंन्हय्म्हेसिया ज्यासना पुचः नीस्वंगु दु । वैद्यया अध्यक्षताय् गठन याःगु वडा कमिटीइ हृदयमान श्रेष्ठ न्वकु, राजेश संगत छ्याञ्जे, राजकुमार डंगोल लिउ छ्याञ्जे व शोभा राजभण्डारी दांभरिंकथं ल्यःगु दु । दुजलय् देव मानन्धर, राजेश कर्माचार्य, सुलोचना मानन्धर श्रेष्ठ, सुनयमान श्रेष्ठ, रामबाबु देउला, छत्रानन्द वैद्य, दिनेश देउला, सुन्दर नापित, समिर कपाली, विनिता डंगोल, सरिता शाही व मञ्जु डंगोल च्वनादीगु दु ।

भेलाय् देय् दबूया केन्द्रीय नायः नरेश ताम्राकार मूपाहांकथं झायादीगु खःसा महानगर कमिटीया न्वकु रमेशकुमार जोशी व छ्याञ्जे अर्विन्द्रमान सिंह पाहांकथं ब्वति कयादीगु खः ।

थुकथं हे बाबुराजा महर्जनया अध्यक्षताय् येँ महानगर १७ वडा कमिटी गठन याःगु दु । वडा कमिटीइ संजीव पुजारी व सुरेन्द्र माली न्वकु, दिनेश महर्जन छ्याञ्जे, सुरेश प्रजापति लिउ छ्याञ्जे ल्यःगु दुसा दुजलय् नरेश तण्डुकार, गिता दर्शनधारी, लक्ष्मीबहादुर शाही, मोहनकृष्ण महर्जन, मञ्जु मानन्धर, सरस्वती मानन्धर, रोजनी राजवाहक, श्याम महर्जन च्वनादीगु दु ।

१७ वडाया भेला बाबुराजा महर्जनया सभापतित्वय् जूगु खःसा मूपाहांकथं देय् दबूया नायः नरेश ताम्राकार, विशेष पाहां बागमति प्रदेश नायः उमेश स्थापित, पाहां बागमति प्रदेश न्वकु भगवान शाक्य, येँ महानगर नायः शोभा महर्जन वज्राचार्यं नुगःखँ तयादीगु खः ।

वडा कमिटी गठनया हे झ्वलय् २२ वडाय् जूगु भेलां रत्नकाजी महर्जनया अध्यक्षताय् झिंप्यम्हेसिया वडा कमिटी गठन याःगु दु । २२ वडाअध्यक्ष चिनीकाजी महर्जनया सभापतित्वय् जूगु मुँज्यां वडा कमिटीइ सुष्मा सिख्राकार, ललिता महर्जन, गंगादेवी महर्जन, बसुनारायण महर्जनयात छसिकथं न्वकु, छ्याञ्जे, दांभरिं व लिउ छ्याञ्जे ल्यःगु दु

कमिटीया दुजलय् सरु श्रेष्ठ, सविता श्रेष्ठ, सुवर्णहिरा सिख्राकार, अमोघलक्ष्मी सिख्राकार, राजन महर्जन, सरोज मानन्धर, सुनिता महर्जन व रजना तुलाधरयात ल्यःगु दुसा सल्लाहकारय् महेशकुमार डंगोल, शेषनारायण महर्जन, सुरेश खड्गी, अनिल हाडा व माणिकरत्न शाहीयात ल्यःगु दु ।

सम्बन्धित बुखँ

LEAVE YOUR COMMENTS