नेप्सया रनिङ शिल्ड ग्लोब बैंकयात

येँ – नेपाल इलेक्ट्रोनिक पेमेन्ट सिस्टम लिमिटेडया ग्वसालय् थनया नरः–हाडिगामय् च्वंगु धन्यन्तरी फुटसलय् वंगु शनिवाः निक्वःगु नेप्स रनिङ शिल्ड फुटसल ज्याझ्वः जुल ।

झिंनिगू थीथी बैंक व ग्वसाः खलः नापं यानाः मुक्क झिंस्वंगू टिम सहभागिता दुगु धेंधेंबल्लाः कासाय् कुमारी बैंकयात २–० गोलं बुकाः ग्लोबल आइएमई बैंक निक्वःगु नेप्स रनिङ शिल्ड ताकेत ताःलाःगु खः । ग्लोबल आइएमईया राजेश केसी दकलय् बांलाःम्ह कासामि, कुमारी बैंकया सर्वेशमान शाक्य उत्कृष्ट गोलकिपर व कुमारी बैंकया हे अर्विन श्रेष्ठ ११ गोल यासे सर्वाधिक गोलकर्ताया जुइत ताःलाःगु खः ।