किपूया संस्कृतिविद् प्रधानया म्हिगःनिसें थौं : किपूया छुं पक्ष सफू पिदन

किपू (नेपालभाषा टाइम्स) – किपूया इतिहासनिसें थौंया अवस्था तकयात कयाः च्वयातःगु अनुसन्धानमूलक सफू ‘म्हिगःनिसें थौं : किपूया छुं पक्ष’ नांया सफू पितब्ज्या जूगु दु । वंगु शनिवाः थनया मंगल माध्यमिक विद्यालयय् जूगु छगू ज्याझ्वःया दथुइ उगु सफू पितब्वज्या जूगु खः । कीर्ति रिसर्च सेन्टरया न्हापांगु पिथनाकथं पिदंगु उगु सफू सेन्टरया हे दुजःलिसें किपूया संस्कृतिविद् प्रयोगमान प्रधानं च्वयादीगु खः । सफूया पितब्वज्या किपू नगरपालिकाया संस्कृति, पर्यटन विभागया प्रमुखलिसें किपू नगरपालिका वडा न २या वडाअध्यक्ष रमेशमान डंगोलं यानादीगु खः ।

सेन्टरया नायः वज्रमुनि वज्राचार्यया सभापतित्वय् जीवनकुमार महर्जनया लसकुस न्वचुपाखें न्ह्याःगु ज्याझ्वलय् सेन्टरया न्वकु कर्णबहादुर महर्जनं पितब्वज्या जूगु सफूयात कयाः समीक्षा यानादीगु खः । मूपाहां वडाअध्यक्ष महर्जनं किपूया सम्पदा संरक्षण व संवद्र्धनया निंतिं किपू नगरपालिका सेन्टरनाप सहकार्य यानाः न्ह्याः वनेगु खँ कनादीगु खः ।

सफूया च्वमि प्रधानं थःगु सफुतिइ किपूया इतिहासनिसें वर्तमान अवस्थाया किपूनापं किपूया जनतां फयेमालाच्वंगु अनेकथंया समस्या, अनया थीथी पक्षयात कःघानाः सफूया रुप बियागु जानकारी बियादीगु खः ।

सम्बन्धित बुखँ

LEAVE YOUR COMMENTS