क्यानाडाया राजधानी ओटावाय् संकटकालया घोषणा

एजेन्सी- क्यानाडाया राजधानी ओटावाय् कोरोनाविरुद्धया खोेप अनिवार्य याःगु विरोधय् जुयाच्वंगु प्रदर्शन तच्वया वंगुलिं ओटावाया मेयर जीम वाट्सनं थन संकटकाल घोषणा याःगु दु । छवाः न्ह्यः कोरोनाया खोप अनिवार्य याःगु विरोधय् अमेरिका–क्यानाडा सिमानाया ट्रक चालकतय्सं राजधानी ओटावाय् न्ह्याकूगु आन्दोलन अराजक जुयावःगु धासें संकटकाल घोषणा याःगु खः ।

फ्रिडम कन्भोइ धकाः नां बियातःगु आन्दोलनं यानाः राजधानीया यातायात अवरुद्ध जुयाच्वंगु दुसा आन्दोलनय् हिंसा व दुव्र्यवहार जूगु समाचार नं वयाच्वंगु दु ।

क्यानाडाया रेडियो सीएफआएलिसे खँल्हाबल्हा यायेगु झ्वलय् मेयर वाट्सनं प्रदर्शनकारीतय्सं असंवेदनशील व्यवहार याःगु धाःगु दु । प्रदर्शनकारीतय्सं हर्न व साइरन न्यकेकेगु, बारा मुइकेगु यानाच्वंगु दु ।

ट्रक चालकतय्सं सतकय् हे टेन्ट व गाडी तयाः अवरोध यानाच्वंगु दुसा थ्व समस्या ज्यकेत आः छु यायेगु धकाः मेयरं स्पष्ट विवरण बिउगु मदुनि । प्रहरीं धाःसा प्रदर्शनकारीतय्त ग्वाहालि यानाच्वंपित ज्वनाच्वंगु दु ।