केपी ओली व सीता दाहालयात कोरोना
एजेन्सी÷ एमाले अध्यक्ष व पुलांम्ह प्रधानमन्त्री केपी ओलीयात कोरोना संक्रमण पुष्टि जूगु दु । वय्कःयात कोरोनाया लक्षण खनेदयेवं परीक्षण यानास्वःबलय् कोभिड खनेदुगु खः । वय्कः आः छेँय् हे आइसोलेसनय् च्वनाच्वंगु खँ एमाले केन्द्रीय प्रचार विभागया उपप्रमुख विष्णु रिजालं धाःगु दु । वय्कः निक्वः तक जलास्येँ प्रत्यारोपण यानादीधुंकूम्ह खः ।
अथेहे माओवादी केन्द्रया अध्यक्ष पुष्पकमल दाहालया जहान सीता दाहालयात नं कोरोना पुष्टि जूगु दु । वय्कःयात मेडिसिटी अस्पतालया आइसियुलय् तयाः उपचार यानाच्वंगु खँ दाहालया स्वकिय सचिव रमेश मल्लं धाःगु दु । वय्कः ताःई न्ह्यवनिसें थीथी ल्वचं कयाच्वंम्ह खः ।
LEAVE YOUR COMMENTS