पुलांम्ह राजदूत शाक्यया प्रतिवेदन

येँ – इजरायलया नितिं पुलांम्ह राजदूत डा. अन्जान शाक्यं थःगु कार्यकालय् यानागु ज्याया प्रतिवेदन परराष्ट्र मन्त्रालययात लःल्हाःगु दु । शाक्यं सन् २०१९ फेब्रुअरी निसें २०२१ अक्टोबर तक इजरालया राजदूतया रुपय् ज्या यानादीगु खः ।

पूर्व राजदूत शाक्यं थःगु कार्यकालय् जूगु फुक्कं गतिविधि न्ह्यथनाः परराष्ट्र मन्त्रालययात प्रतिवेदन लःल्हाःगु खः। प्रतिवेदन बीधुंकाः वय्कलं थः लिपा उगु देशय् वनीपिं राजदूतपिंत ज्या यायेत अःपुइगु व नेपाः सरकारयात नं सम्बन्धित देशय् ज्या यायेत सहज जुइगु लिसें थुकिं अभिलेखीकरण तकं जुइगु जुयाः थःगु कार्यकालया प्रतिवेदन दयेकाः सरकारयात हस्तान्तरण यानागु खँ धयादीगु दु । शाक्यं थःगु प्रतिवेदन परराष्ट्र सचिव भरतराज पौड्यालयात वंगु मंगलवाः हस्तान्तरण यानादीगु खः ।

शाक्यया हे कार्यकालय् नेपाः व इजरायल दथुइ कृषिया क्षेत्रय् विकास यायेगु नितिं ‘एग्रिकल्चर सेन्टर्स अफ एक्सिलेन्स इन नेपाल’ या निगू पक्षीय समझदारी पतिइ हस्ताक्षर जूगु खःसा कोरोना भाइरस संक्रमणया झ्वलय् निगू पक्ष दथुइ सुचं आदान प्रदान यायेगुया नापनापं इजरायलपाखें ग्वाहालि कायेगु ज्या नं जूगु खः ।

सम्बन्धित बुखँ

LEAVE YOUR COMMENTS