येँ मनपाया सार्वजनिक चःबि निर्माण अन्योलय्

येँ – येँ महानगरपालिकां दयेकेगु धयातःगु सार्वजनिक चःबि निर्माण यायेगु ज्या अन्योलय् लाःगु दु । येँ मनपां थीथी पीछगू थासय् उकथंया सुविधायुक्त सार्वजनिक चःबि दयेकेगु योजनां गति काये मफयाच्वंगु खः । करिब निदँ न्ह्यःनिसें नागरिकया सहजताया निंतिं मनपां सार्वजनिक चःबि दयेकेगु योजना हःगु खः ।

चःबि दयेकेगु ज्या अझं छुं ई लिपा लाइगु येँ मनपाया प्रवक्ता ईश्वरमान डंगोलं कनादिल । वय्कल बियादीगु जानकारीकथं मनपां तत्काल सार्वजनिक चःबि दयेकेत आवश्यक जूगु थाय् मालेगु नापं अज्याःगु थासय् चःबि निर्माण याये फइगु खः वा मखु धइगु बारे अध्ययन यानाच्वंगु दु ।

येँ मनपाया प्रमुख विद्यासुन्दर शाक्यं सार्वजनिक चःबि निर्माणया हे निंतिं धकाः वंगु बैशाखय् दक्वं वडायात सार्वजनिक थाय् पहिचान यानाः उकिया जानकारी बीत निर्देशन बियादीगु खः । थौंकन्हय् महानगर दुने छुं छुं थासय् सार्वजनिक चःबि संचालन जुयाच्वंगु दुसा व तसकं फोहर व दुर्गन्धित जुयाच्वंगु दु ।

मनपा प्रवक्ता डंगोलं अध्ययनया लिधंसाय् ज्या न्ह्याः वनी धासें येँ महानगर दुने सार्वजनिक चःबिया आवश्यकता ला दु तर, छु गुगु थासय् निर्माण यायेगु धइगु बारे यकिन मजूगुलिं दक्वं वडायात स्थान पहिचान यायेत निर्देशन बियागु दु धयादिल । वय्कःया कथं वडापाखें सार्वजनिक थाय्या पहिचान यानाः सिफारिस जुया वल कि उगु थासय् चःबि दयेके जिउ वा मजिउ निक्र्यौल यानाः लागत व डिजाइन नं तयार यायेगु ज्या जुइ ।

 

सम्बन्धित बुखँ

LEAVE YOUR COMMENTS