ओमिक्रोन विरुद्ध सतर्क जुइत निर्देशन

येँ -कोरोना भाइरसया न्हूगु भेरिएन्ट जःलाखःला देय् भारतया थीथी शहरय् न्यना वनेवं इपीडीमियोलोजी तथा रोग नियन्त्रण महाशाखां थप सतर्कता नालेत जिल्ला, प्रदेश व स्थानीय तहयात निर्देशन बिउगु दु ।

म्हिगः महाशाखां छगू विज्ञप्ति जारी यासें धयातःगु दु, ‘आः तक नं थुगु महामारीया हलिंन्यंकं जोखिम कायम हे दुगु सन्दर्भय् थप संक्रामक भेरिएन्ट ओमिक्रोन नेपालय् तकं दुहां वयेधुंकूगुलिं फुक्कं निकाय अझ सतर्क व पूर्व तयारीया जुयाच्वनेमाः ।’

महाशाखां कोरोना भाइरस संक्रमण नियन्त्रण यायेगु नितिं न्हापा थें जनस्वास्थ्य मापदण्डया पूर्ण पालना यायेगु लिसें समुदायय् दुगु जोखिम क्षेत्रत (हटस्पट) म्हसीकाः एन्टिजेन किटपाखें परीक्षण यानाः परीक्षणया दायर अप्वयेकेत नं इनाप याःगु दु ।

महाशाखां फुक्क तहं थःथःगु स्तरय् संक्रमण नियन्त्रणया नितिं न्हापाथें संक्रमितपिंत म्हसीका, आइसोलेसन व वासः यायेगुली ध्यान बीत नं इनाप याःगु दु । महाशाखां सीमा नाकाय् दुगु प्रवेश विन्दुपाखे दुहां वइपिं यात्रुपिनिगुप्रोटोकल कथं परीक्षण व व्यवस्थापन यायेत नं इनाप याःगु दु ।

उकथं हे खोप कायेमखंपिं लक्षित वर्गयात म्हसीकेगु व खोप कायेकेगु ज्या अप्वयेकेत नं स्थानीय निकाय, जिल्ला व प्रदेश महाशाखायात निर्देशन बिउगु दु ।

सम्बन्धित बुखँ

LEAVE YOUR COMMENTS