‘मधेस प्रदेश’ या पक्षय् स्वंगू पार्टी छथाय्

येँ -प्रदेश २ या नां व राजधानी क्वःछीगु बारे सहमति मालेत प्रदेशसभा विशेष समिति नीस्वंगु दु । सभामुख सरोज यादव संयोजक व उपसभामुख उपमा देव सहसंयोजक च्वनेगु कथं संसदीय अध्ययन विशेष समिति नीस्वंगु खः ।

समितिया दुजलय् उपेन्द्र कुशवाह, किशोरी साह, जगत यादव, दिलिप साह, परमेश्वर साह, बिन्देश्वर यादव, शत्रुधन महतो, शारदा थापा, शिवचन्द्र चौधरी, शैलेन्द्रकुमार यादव, सञ्जय यादव सावित्रीदेवी साह, सुन्दर विक व सुरिता साह दुथ्याः ।

समितिं प्रदेशया नां व स्थायी राजधानी बारे दर्ता जूगु प्रस्तावया अध्ययन यानाः सहलह व अन्तक्र्रिया यायेगु खँ सभामुख यादवं कनादिल । प्रदेशया नां सम्बन्धी प्यंगू प्रस्ताव व राजधानी बारे निगू प्रस्ताव दर्ता जूगु दु ।

थुगु समितिं राजनीतिक सहमतिया आधारय् प्रदेशया नां व राजधानी क्वःछीत फुक्कं सरोकारवालातलिसे सहलह याइगु खँ धाःगु दु । समितिं झिंन्यान्हुया दुने प्रदेशसभाय् प्रतिवेदन लःल्हायेगु सभामुख यादवं कनादिल ।

जनता समाजवादी पार्टी, लोकतान्त्रिक समाजवादी पार्टी व माओवादी केन्द्रं प्रदेश २ या नां ‘मधेश प्रदेश’ प्रस्ताव यानातःगु दुसा नेकपा एमाले व नेकपा एकीकृत समाजवादीं ‘जानकी प्रदेश’ नां प्रस्ताव यानातःगु दु ।

उकथं हे नेपाली कांग्रेसं ‘मिथिला–भोजपुरा’ नां तयेमाःगु प्रस्ताव यानातःगु दु । लिसें कांग्रेसया हे छुं सांसदतय्सं ‘मध्यप्रदेश’ नां तयेमाः धासें बिस्कं प्रस्ताव दर्ता यानातःगु दु । ‘मधेश प्रदेश’यात कयाः न्हापा सहमत मजूगु पार्टी त आः सहमत जूगु दु । न्हापा माओवादी केन्द्रं ‘मधेश प्रदेश’ नांयात विरोध याना वयाच्वंगु खः ।

सम्बन्धित बुखँ

LEAVE YOUR COMMENTS