ने. सं. ११४६ अनलाथ्व चतुर्दशी -

सेनाया आक्रमणय् १२ म्ह तालिबानी सित

सिन्हवा – अफगानिस्तान सेनां याःगु कारवाहीलय् लानाः झिंनिम्ह तालिबानी सीगु दु। अफगानिस्तानया पूर्वी क्षेत्रय् लाःगु निगू प्रान्तय् अफगान सेनां उगु कारवाही याःगु खः। अफगान रक्षा मन्त्रालयं सरकारी सैन्य कारवाहीइ लानाः तालिबानी सीगु जानकारी संचारमाध्यमयात बिउगु खः । अफगान सेनां पूर्वी प्रान्त लागोरय् एअर फोर्सपाखें हवाई कारवाही याःगुलिइ खुम्ह तालिबानी सीगु व लागोरलिक्कं लाःगु घाज्नीइ प्रहरी चौकीइ आक्रमण याः वःगु इलय् प्रहरीया जवाफी कारवाहीइ थप तालिबानी सीगु खः ।