
यल- नियात्राकार, समीक्षकलिसें नेवाः न्ह्यलुवा डा. पुष्पराज राजकर्णिकारं च्वयादीगु आत्मकथा ‘जीवन खसुइ’ पिहां वःगु दु । वंगु शनिवाः थनया नेपाल हृदय रोग निवारण प्रतिष्ठानय् जूगु छगू ज्याझ्वःया दथुइ उगु सफू पितब्वज्या जूगु खः ।
नेपालभाषा मंकाः खलःया संस्थापक नायः साहित्यकार छत्रबहादुर कायस्थया सभापतित्वय् न्ह्याःगु ज्याझ्वलय् संघीय मामिला तथा सामान्य प्रशासन मन्त्री राजेन्द्रप्रसाद श्रेष्ठं उगु सफू पितब्वज्या यानादीगु खः ।
ज्याझ्वलय् सफूया च्वमि डा. राजकर्णिकारं थःगु सफूया बारे कनादीगु खःसा नेपालभाषा एकेदेमिया सदस्य सचिव, नेवाः न्ह्यलुवालिसें उपन्यासकार मल्ल के. सुन्दर, नेवाः देय् दबूया नायः नरेश ताम्राकार, प्र्रतिष्ठानया नायः बालकृष्ण तुलाधर, समालोचकलिसें साहित्यकार पूर्णकाजी ताम्राकार, कवि भगतदास श्रेष्ठ, कुतः पिकाकःया विमल ताम्राकार लगायतं सफूया थीथी पक्षयात कयाः नुगःखँ तयादीगु खः ।
LEAVE YOUR COMMENTS