‘ज्यापु दिवसं धार्मिक सद्भाव कायम यायेत ग्वाहालि याइ’

येँ – प्रधानमन्त्री शेरबहादुर देउवां ज्यापु दिवसं देय् राष्ट्रिय सद्भाव कायम यायेत ग्वाहालि जुइगु विश्वास प्वंकादीगु दु । झिंच्याक्वःगु ज्यापु दिवसया लसताय् बसन्तपुली जूगु समारोहय् मू पाहाँ कथं झाःम्ह प्रधानमन्त्री देउवां ज्यापु दिवसया लसताय् भिंतुना देछासें थीथी धर्म, समुदायया नागरिक दथुइ धार्मिक सहिष्णुता कायम यायेत ज्यापु दिवसं महत्वपूर्ण भूमिका म्हितीगु खँ धयादीगु खः ।

ज्याझ्वलय् प्रधानमन्त्री देउवां येँ महानगरपालिकाया मेयर विद्यासुन्दर शाक्य व उपमेयर हरिप्रभा खड्गी श्रेष्ठयात ज्यापु विशिष्ट सम्मानपाखें हनादीगु खः । येँ महानगरपालिका दुनेया सामुदायिक तथा संस्थागत विद्यालयय् नेपालभाषा माध्यमं स्थानिय विषय अध्ययन याकेगु व्यवस्था, परम्परागत गुथि छेँ, देगः, फल्चा, सतः लगायतया सम्पदाया जिर्णाेद्धार व पुनःनिर्माणय् विशेष योगदान बियादीगुलिं वय्कःपिंत थ्व सम्मान याःगु खः । मेयर व उपमेयर लिसें न्यत अजिमाया मू धामी देवबहादुर महर्जनयात नं ज्यापु विशिष्ट सम्मान लःल्हाःगु खः ।

समारोह न्ह्यः येँया गोफः त्वालं सांस्कृतिक ¥याली न्ह्याकूगु खः । ज्यापु सांस्कृतिक विकास कोषया ग्वसालय् परम्परागत गोफःत्वाः माकःगल्ली ज्यापु समाजया संयोजनय् जूगु ज्यापु दिवसया झ्वलय् द्वलंद्वः ज्यापुत सांस्कृतिक बाजं सहित देय् चाःहिउगु खः । गोफः, ह्युमत, भिंद्यःत्वाः, मरु, न्यत, त्यंगः, असं, भोताहिति, न्हूसतक जुयाः बसन्तपुली थ्यंगु ¥याली लिपा समारोह जूगु खः । कोषया नायः मंगलकृष्ण सिंहया सभापतित्वय् जूगु ज्याझ्वलय् संघीय मामिला तथा सामान्य प्रशासन मन्त्री राजेन्द्र श्रेष्ठ, पुलांम्ह उपप्रधानमन्त्री प्रकाशमान सिंह, येँ महानगरपालिकाया मेयर विद्या सुन्दर शाक्यं भिंतुना देछायादीगु खः । ज्याझ्वलय् झिंच्याक्वःगु ज्यापु दिवसया कजि गोविन्द महर्जनं लसकुस यानादीगु खःसा सभापति सिंह कोष व ज्यापु दिवसया बारे जानकारी बियादीगु खः ।

सम्बन्धित बुखँ

LEAVE YOUR COMMENTS